Hasiera > gora herriak!, harrikadak > Azken garaipena: Mayumana

Azken garaipena: Mayumana

https://lh5.googleusercontent.com/-7OUOgtDCRQM/ULjVCRF_AvI/AAAAAAAADb4/iRXg4U4bq5A/s640/mayumana-iru%25C3%25B1ea.jpg*Demagun arlote izeneko gizaki bati, hil eta gero (gutxi gora-behera 2060an) bere egunkaria aurkitu diotela. Egunkari hartan agertzen da 2012ko azaro bukaeran, super-guatxi (Mayumana) taldeak jo zuela Iruñean, sionismoaren garaipenaren 62. urtean.

2055-XII-13

III. Sion-ek azken gerra handia irabazi zuenetik, mundua bakean bizi zen, hiritar gehienek lana zuten, bizi-itxaropena inoizko luzeena zen eta poliziak, mediku batek bisturia nola, hala ezartzen zuen ordena, (militarrak ere hor zeuden laban-zorrotzez, badaezpada ere).

Esan liteke bizirik geratzen ziren azken paria horiek (gerra handia galdu zutenen ondorengoak) zirela armonia eteten zuten azken hondar-aleak.
Baina III. Sion-a ez zen motza. Bazekien non zeukan bere Akiles-orpoa, eta zientzia, kultura eta kirolaren bidez, hiritarrei bere garapen-gorentasuna erakusten zien, Akiles-orpoa bikain izkutatuz. Zenbat eta progreago, hippyago, ezker-itxurago, zientifikoago… hobeto.

Hala ziren, super-guatxi taldekoak (Neohizkuntza, ‘trebetasuna’). Berziklatutako zabor-ontzi eta abarrez, beren perkusioak sortu eta beren rastak III. Sion-eko ospetsuenetakoak bilakatu ziren.

Hiritarrei berdin zien super-guatxi taldearen egoitza eta antzokia parien azken herrietako alde zaharrean bazegoen (uste dut ‘Jaffa’ izena zuela). Azken batean nork zekien nortzuk zeuden paria-gizaki ikustezin horien aurpegi hezurtsu eta begi hilen atzean?

Hiritarrei berdin zien militar ohiek bultzaturiko hippy taldea bazen. Areago, III. Sion-aren garapen-gorentasunaren seinale ere bazen super-guatxi hortik begiratuta: pariak zaintzen ibili ziren militar ohi batzuk hippy egin eta bakearen enbaxadore bihurtu baitziren!

Garaipenaren 64. urtean, Azaroaren 29an, III. Sion-aren inperiopeko Hispanistan-en ikusgai izan izan ziren, Pamplona-n.

Ni orduan nire zilborrari begira geratu nintzen etxean. Gaur beranduegi da. Nire lagun bat Jaffa-n ibili berri da oporretan, -bide batez super-guatxi taldearen antzokira ere joan zen-; ez zuen pariarik ikusi eta den-dena garbi-garbia zegoela esan dit. Garapen-gorentasunaren seinale.

(Iban Zaldua eta Julen Rivasen ‘Azken garaipena’ gogoan)

  1. Erantzunik ez oraindik.
  1. No trackbacks yet.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Aldatu )

Google photo

You are commenting using your Google account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s

%d bloggers like this: