Artxiboa

‘okupazioa’ atalaren artxiboa

Hiri geometrikoa

maiatza 29, 2012 Iruzkin bat egin

*10 urte joan dira kontrairo taldearentzat lera hau egin nuenetik… gasteiz, alde zaharra eta kutxi kaleaz ari nintzen orduan, artean xurrut (denboraren tunel hura) eta herrikoia tabernak ixtekotan zeuden eta etorkizun beltz batean kokatu nuen testua. Kolore eta askatasun urriko etorkizuneko gasteiz batean, Orwell-en “1984”-ko gasteiz. Gehiago irakurri…

Advertisements

Kukutzaren utopiaren lagunak

Iraila 20, 2011 Iruzkin bat egin

Info7 irratian egin nuen kolaborazioa, hemen entzungai.

Kukutza desalojatzeko arriskuan egonik (espero dut hitz hauek entzuten ari zaretenean, kukutza-k zutik eta kementsu segiko duela) Londongo Euskal Herriaren Lagunek elkartasun bideolan bat bidali dute sarean ikusgai dagoena. Harritu nau ze azkar egin eta bidali duten, bai eta Londonen zenbat lagunek esku hartu duten bideoan.

Behin GAUR8 astekarian idatzi nuen Euskal Herriaren Lagunak herri honen utopikoen lagunak direla, izan ere, zorionez gure herrian utopia asko gauzatzen dira egunero.

Kukutza horietako bat da.

Gasteiztarra naiz eta Gasteizen badugu gaztetxe txiki polit eder eta ekimentsu bat, harro sentiarazten gaituena, bai eta beste esperientzia okupatzaile batzuk ere, etxebizitzak, frontoia, lokalak… Hala ere, Kukutzara estreinekoz sartu nintzenean guztiz liluratu ninduen: erraldoi bezain eder da Kukutza. Lehen solairutik laugarrenera, kontzertu gunetik jantokira, etxebizitzetatik rokodromora, antzerki eta zirko tailerretara…

Gaztetxeek gure herria aberasten dute eta gure herriaren berri ematen dute etxean eta kanpoan, herri honek dituen lagun asko gaztetxeen lagunak direlako ditugu lagun. Beste askok maite gaituzte gure hizkuntza eta kulturaren alde ikastolak eta gau eskolak sortu genituelako edo korrika egiten dugulako. Maite dute euskal parranda ‘sanoa’ txosna-gune batean. Maite dute euskal presoekiko ostiralero (eta beste askotan) erakusten dugun elkartasuna. Maite dute gure herriak erakusten dituen dinamismoa, elkartasuna, utopiak borrokatzeko grina…

Maite dute herri honek justua dena borrokatu eta defenditzeko dituen konpromisoa eta adorea, eta halaxe da kukutza. Harrotu gaitezen kukutzaz, harrotu gaitezen gutaz kukutza defendatuz, lagunik ez zaigu faltako!

Kukutza Ikutu bez! Save Kukutza!

Alde zaharreko “103” etxea desalojatua…

uztaila 20, 2011 Iruzkin bat egin

Gasteizkoak ez zaretenontzat kokapen txiki bat: etxe hau gure etxearen ondoan dago, eta duela urte batzuk Santa Maria Fundazioak (eliza katolikoa + Caja Vital + Udala) expropiatu zituen etxe horretako bizilagunak eta alboko etxeetakoak. Gehiago irakurri…